2007-ci ilin avqust ayından başlayaraq fəaliyyət göstərən saytımız, Erməni xakerlər tərəfindən dəfələrlə hücuma məruz qalmasına baxmayaraq yenə də yeniliklər edərək fəaliyyətini davam etdirir. Belə ki, www.ramilsafarov.info ünvanında fəaliyyət göstərən saytı sentyabr ayının 8-dən etibarən tam yeni dizaynda və əlavə iki dildə fəaliyyətini davam etdirir. Beləliklə, 4 il öncə iki dildə (Azərbaycan türkcəsi və ingilis) fəaliyyətə başlayan sayt bundan sonra Azərbaycan həqiqətlərini, bir əsrdə millətimizə qarşı törədilmiş üç soyqırım (1915, 1918, 1992) haqda detallı məlumatları, dünyanın müxtəlif yerlərində (eləcə də Macarıstanda) ermənilər tərəfindən həyata keçirilmiş terror aktları və bu tarixi gərginliyin, haqsızlıqların 21-ci əsrdəki nəticəsi olaraq Macarıstan həbsxanasında ömürlük cəza çəkməyə məhkum edilmiş Ramil Səfərov haqda bilgiləri beş dildə (Azərbaycan türkcəsi, İngilis, Macar, Alman, Bolqar) olmaqla öz istifadəçiləriylə bölüşəcək. Qeyd edək ki, sayt Macar dilinə iki gənc macar, Alman və Bolqar dillərinə isə Avropada yaşayan gənc azərbaycanlılar tərəfindən könüllü olaraq tərcümə edilib. Qeyd edək ki, sayta www.ramilsafarov.net və www.ramilsafarov.com domenləri vasitəsilə də daxil ola bilərsiniz.

Ümid edirik, bu kiçik fəaliyyətimiz informasiya müharibəsində haqq sözümüzü yaymaqda  az da olsa yardımçı olacaq.