"Bizimyol" qəzetini artıq bir neçə ildir ki, kütləvi informasiya vasitələrindən biri olaraq oxuyuram. Amma indi qəzet barədə fikirlərimi yazmayacam, yəni məqsədim bu deyil. Amma qəzetdə bu gün yayımlanan məqalə barədə Ramil Səfərovun müdafiə saytı olaraq yazmaya bilməzdik. Qəzetin bu günkü sayında Ramid adlı "jurnalist" və Cümşüd Nuriyev kimliyi ilə tanınan (bu ifadə təsadüfi seçilməyib) "politoloq"un quraşdırdığı şou olduqca iyrəncdi.  "Ramil Səfərov xalqa başucalığı gətirmədi"  başlıqlı şouya münasibət bildirməyimiz əslində bu insanları şərəfləndirməkdi, amma olsun!

Əvvəlcə bu jurnalistciyəzin olmayan savadına münasibət bildirmək istərdim.

Əziz Ramid "bəy", bir jurnalist olaraq bilməlisiniz ki, hansısa bir mövzuda məqalə ya müsahibə hazırlamamışdan öncə o hadisə barədə ən azı ümumi məlumat toplamaq lazımdı.

Sitat: "5 il öncə ordumuzun Baş-leytenantı Ramil Səfərov Budapeştdə erməni zabitini yatdığı yerdə baltalayaraq öldürdü. Və Şəhər Məhkəməsinin 13 aprel 2006-cı il tarixli hökmü ilə ömürlük azadlıqdan məhrum edilib."

Əziz "Jurnalist", əvvəla bu hadisə 5 il yox, 7 il 7 ay öncə baş verib. Elə məqalənizin ilk cümlələri hadisə haqqında nə dərəcədə araşdırma aparmağınızdan və məlumatlı olmağınızdan xəbər verir. İkincisi normal düşüncəli insan olaraq bilməliydiniz ki, insan həbs olunan kimi ona ömürlük cəza verilə bilməz! Ən azı müəyyən istintaq, araşdırma və  məhkəmə prosessləri olur. Sənin əndrəbadi hesablamalarına görə isə Ramil 2006-cı ildə həbs olunub və ona elə həmin il də ömürlük azadlıqdan məhrum etmə cəzası kəsilib. Bax sənin bu giriş cümlən bəs edirdi ki, mən bu yazının nə qədər savadsızcasına və məsuliyyətsizcəsinə yazılması haqda təsəvvür yaradaraq qəzeti kənara atım. Amma qurban olasan Ramilə, ona olan hörmətim qəzetinizi daha 5 dəqiqə əlimdə saxlaya bildi.

Ramid "bey", zabitimiz bayrağımızın və şəhidlərimizin şərəfini qoruyarkən onun yanında olmusunuzmu? Hadisənin hansı şəraitdə törədildiyinə, o zaman Qurgen Markaryanın hansı vəziyyətdə olduğuna necə belə əmin ola bilirsiniz? Əslində heç təəccüblənmirəm, bu iddianı da elə hadisənin baş vermə zamanı və müddəti kimi "araşdırmısınız".  Sadəcə, mənə çox maraqlıdı, bu günə qədər heç bir normal işlə ortaya çıxmayan, Ramilin adını belə çəkməyən insan necə oldu ki, birdən birə "beynində" yaranan primitiv və pravakasyon suallarla elə özü ağılda birini tapıb onla müsahibə şousu yaratmaq barədə düşündü..

Sitat: "Hər iki hərbçimiz (Ş.G: Ramil və Mübariz nəzərdə tutulur) xalqdan lazımi sevgi və hörməti gördü. Biri məzara, digəri həbsxanaya şərəflə göndərildi. Əcaba, hər ikisi xalqın qəhrəmanı olmağı haqq etdilərmi? Bir-biri ilə tamamilə ziddiyyət təşkil edən bu iki situasiya və iki övlad eyni sevgi və rəğbəti görməlidirmi? Yaxud Ramil, yoxsa Mübariz gəncliyə örnək ola bilər?
Bu cür suallarla Qarabağ müharibəsi veteranı, Azərbaycanın müstəqilliyinə səs vermiş və onun ilk parlamentinin üzvü olmuş, politoloq Cümşüd Nuriyevə müraciət etdik. İlk sualımız da bu iki hərbçinin nə dərəcədə müqayisə oluna bilməsidir."

 Milli qəhrəmanımız, igid Mübariz İbrahimovumuzla Ramil Səfərovu qarşı-qarşıya qoymaq cəhdinə heç bir şərh vermirəm. Bir xanım olaraq bunu KİŞİLİYİMƏ yaraşdırmıram. Bu jurnalistciyəzin beyin keyfiyyətlərini nəzərə alaraq deyim ki, "kişilik" sözü türkcədən gələn və insan şəxsiyyətini anladan bir keyfiyyətdi.

Sitat: "Ramil Səfərov xalqa başucalığı gətirmədi. Səfərovun etdiyi dırnaqarası "qəhrəmanlıq"dır."

Cənab Nuriyev, xalqın adından danışmaq hüququnu və şərəfini hardan almısınız? Ramilin törətdiyi hadisəylə bağlı qərar vermək üçün 4 ekspert, 12 mütəxəssis 2 il yarım işləyərkən, siz hadisə haqda ən adi məlumatları belə bilmədən necə belə rahatlıqla bu insanı ittiham edə bilirsiniz? Yoxsa o ekspertlərin və mütəxəssislərin əksəriyyəti kimi sizi də satın aldılar?  "Fəaliyyətinizi" izləyən insan zaman-zaman alınıb-satıldığınızı rahatlıqla hiss edə bilər, amma "əqidənizi" region bazarınıza çıxardığınızı bilmirdim.. Müsahibəniz boyu Ramillə Mübarizi qarşı-qarşıya qoymusunuz. Onların hər ikisi bu millətin övladıdı, millətin övladlarını bir-birinə qarşı qoymaq cəsarətini hardan almısınız?

Ramilin hərəkətini "ağılsız qanunsuzluq" adlandıran "politoloq", sizin bu açıqlamalarınız nə dərəcədə ağıllıdır? Bununla Ramilə hansı mənəvi zərbə vura biləcəyinizin və Ramil barədə hər bir xırda məlumatı belə nəzərindən qaçırmayan, cəmiyyətimizdə Ramilə qarşı olan hər bir fikirlə Macarıstan tərəfinə təsir edən düşmən tərəfinə hansı imkanları verə biləcəyinizin fərqindəsinizmi? Sizi və sizin kimilərini Azərbaycan cəmiyyəti, Azərbaycan gəncliyi ciddi qəbul etməyə bilər və etmir də. Amma düşmən tərəf sizin kimilərdən olduqca səmərəli istifadə edir.

Müsahibədə daha sonra, Azərbaycan ordusuyla və mövcud hərbi sistemlə bağlı iddialar irəli sürmüsünüz. Bu bir Azərbaycan vətəndaşı olaraq sizin ən təbii haqqınızdı.

Amma xahiş olunur, cəmiyyətin və insanların hissləriylə oynamayın, bu nəinki sizi başucalığı gətirməz, hətta sizi qınaq və nifrət hədəfinə çevirə bilər .