Ramil Səfərov haqqında deyilən fikirlərə görə təəssüflənirik

Qəzetimizin 13.09.2011-ci iltarixli sayında Ramid İbrahimovun Cümşüd Nuriyevlə müsahibəsi dərc olunmuğdu. Həmin müsahibədə Cümşüd Nuriyev Macarıstanda həbs olunaraq ömürlük məhkum edilmiş zabitimiz Ramil Səfərovla bağlı qeyri-adekvat fikirlər işlədib. Bu gün ramilsafarov.info saytından Şəbnəm Gülməmmədovanın imzası ilə bir məktub aldıq. Mərtubda bu müsahibəyə, ordakı fikirlərə münasibət bildirilib. Məktub müəllifi Ramid İbrahimova müraciətlə yazır:

«Əziz Ramid bəy, bir jurnalist olaraq bilməlisiniz ki, hansısa bir mövzuda məqalə ya müsahibə hazırlamamışdan öncə o hadisə barədə ən azı ümumi məlumat toplamaq lazımdı.

Sitat:   «5 il öncə ordumuzun Baş-leytenantı Ramil Səfərov Budapeştdə erməni zabitini yatdığı yerdə baltalayaraq öldürdü. Və Şəhər Məhkəməsinin 13 aprel 2006-cı il tarixli hökmü ilə ömürlük azadlıqdan məhrum edilib.»   

Əziz   «Jurnalist»  , əvvəla bu hadisə 5 il yox, 7 il 7 ay öncə baş verib. Elə məqalənizin ilk cümlələri hadisə haqqında nə dərəcədə araşdırma aparmağınızdan və məlumatlı olmağınızdan xəbər verir. İkincisi normal düşüncəli insan olaraq bilməliydiniz ki, insan həbs olunan kimi ona ömürlük cəza verilə bilməz! Ən azı müəyyən istintaq, araşdırma və  məhkəmə prosessləri olur. Sənin əndrəbadi hesablamalarına görə isə Ramil 2006-cı ildə həbs olunub və ona elə həmin il də ömürlük azadlıqdan məhrum etmə cəzası kəsilib»  .

Müəllif daha sonra sual verir:   «Hadisənin hansı şəraitdə törədildiyinə, o zaman Qurgen Markaryanın hansı vəziyyətdə olduğuna necə belə əmin ola bilirsiniz? Əslində heç təəccüblənmirəm, bu iddianı da elə hadisənin baş vermə zamanı və müddəti kimi   «araşdırmısınız»  ....

Sitat:   «Hər iki hərbçimiz (Ş.G: Ramil və Mübariz nəzərdə tutulur) xalqdan lazımi sevgi və hörməti gördü. Biri məzara, digəri həbsxanaya şərəflə göndərildi. Əcaba, hər ikisi xalqın qəhrəmanı olmağı haqq etdilərmi? Bir-biri ilə tamamilə ziddiyyət təşkil edən bu iki situasiya və iki övlad eyni sevgi və rəğbəti görməlidirmi? Yaxud Ramil, yoxsa Mübariz gəncliyə örnək ola bilər?
Bu cür suallarla Qarabağ müharibəsi veteranı, Azərbaycanın müstəqilliyinə səs vermiş və onun ilk parlamentinin üzvü olmuş, politoloq Cümşüd Nuriyevə müraciət etdik. İlk sualımız da bu iki hərbçinin nə dərəcədə müqayisə oluna bilməsidir. »

 Milli qəhrəmanımız, igid Mübariz İbrahimovumuzla Ramil Səfərovu qarşı-qarşıya qoymaq cəhdinə heç bir şərh vermirəm. Bir xanım olaraq bunu KİŞİLİYİMƏ yaraşdırmıram.

Sitat:   «Ramil Səfərov xalqa başucalığı gətirmədi. Səfərovun etdiyi dırnaqarası   «qəhrəmanlıq»  dır.»   

Cənab Nuriyev, xalqın adından danışmaq hüququnu və şərəfini hardan almısınız? Ramilin törətdiyi hadisəylə bağlı qərar vermək üçün 4 ekspert, 12 mütəxəssis 2 il yarım işləyərkən, siz hadisə haqda ən adi məlumatları belə bilmədən necə belə rahatlıqla bu insanı ittiham edə bilirsiniz? Yoxsa o ekspertlərin və mütəxəssislərin əksəriyyəti kimi sizi də satın aldılar?    «Fəaliyyətinizi»   izləyən insan zaman-zaman alınıb-satıldığınızı rahatlıqla hiss edə bilər, amma   «əqidənizi»   region bazarınıza çıxardığınızı bilmirdim.. Müsahibəniz boyu Ramillə Mübarizi qarşı-qarşıya qoymusunuz. Onların hər ikisi bu millətin övladıdı, millətin övladlarını bir-birinə qarşı qoymaq cəsarətini hardan almısınız? 

Ramilin hərəkətini   «ağılsız qanunsuzluq»   adlandıran   «politoloq»  , sizin bu açıqlamalarınız nə dərəcədə ağıllıdır? Bununla Ramilə hansı mənəvi zərbə vura biləcəyinizin və Ramil barədə hər bir xırda məlumatı belə nəzərindən qaçırmayan, cəmiyyətimizdə Ramilə qarşı olan hər bir fikirlə Macarıstan tərəfinə təsir edən düşmən tərəfinə hansı imkanları verə biləcəyinizin fərqindəsinizmi? Sizi və sizin kimilərini Azərbaycan cəmiyyəti, Azərbaycan gəncliyi ciddi qəbul etməyə bilər və etmir də. Amma düşmən tərəf sizin kimilərdən olduqca səmərəli istifadə edir.

Müsahibədə daha sonra, Azərbaycan ordusuyla və mövcud hərbi sistemlə bağlı iddialar irəli sürmüsünüz. Bu bir Azərbaycan vətəndaşı olaraq sizin ən təbii haqqınızdı.

Amma xahiş olunur, cəmiyyətin və insanların hissləriylə oynamayın, bu nəinki sizə başucalığı gətirməz, hətta sizi qınaq və nifrət hədəfinə çevirə bilər»   .

  «Bizim Yol»  dan: Hörmətli Şəbnəm Gülməmmədovanın məktubu və ümumiyyətlə, bu məsələ ilə bağlı bildirmək istəyirik ki, Cümşüd Nuriyevin haqqında danışılan müsahibəsində Ramil Səfərovla bağlı fikirlərini redaksiyamız bölüşmür və bu fikirlərin dərcindən təəssüf hissi keçirir. Eyni zamanda jurnalistin sualının qoyuluşunda da yanlış yanaşma olduğunu etiraf edirik. Baş redaktor tərəfindən bu məsələ araşdırildıqda məlum oldu ki, əslində müsahibədəki həmin hissə, eləcə də, başlıq  və bir sıra başqa məqamlar redaktorlar tərəfindən elə redaktə zamanı ordan çıxarılsa da, lokal şəbəkədə yaranmış problem üzündən yazı köhnə variantda çapa gedib. Biz də Ramil Səfərovun haqqında Cümşüd Nuriyevin işlətdiyi ifadəyə etiraz edirik, hesab edirik ki, bu fikirlər haqsız və yersiz işlədilib. Ümumiyyətlə, belə bir şəxsin bu cür həssas məsələlərlə bağlı ekspert və müsahib kimi seçilməsi ciddi səhv olub və buna görə üzülürük. Bundan başqa o fikirlə də razılaşırıq ki, Ramil Səfərovla Mübariz İbrahimovu nəinki qarşı-qarşıya qoymaq olmaz, əslində onların hər ikisinə Azərbaycan xalqı eyni sevgi və rəğbət hissi ilə yanaşır və yanaşmalıdır, gənclərimiz də hər iki qəhrəman hərbçimizdən örnək götürməlidir.    «Bizim Yol»   redaksiyası olaraq Ramil haqqında belə yanlış və qeyri-adekvat fikirlərin qəzetimizdə dərc olumnasından təəssüflənirik, Ramil Səfərovdan və onun yaxınlarından üzr istəyirik! 

P.S: Ramil Səfərovun müdafiə saytı olaraq Ramid İbrahimovla Cümşüd Nuriyevin Azərbaycan xalqından, Ramil Səfərovdan və onu sevənlərdən üzr istəmələrini tələb edir və gözləyirik!