Tərcümeyi-halı

• Ramil Sahib oğlu Səfərov 1977-ci ildə Cəbrayıl rayonunda anadan olub.
• 1991-ci ildə Cəmşid Naxçıvanski adına hərbi təmayüllü məktəbə daxil olub.
• 1992-ci ilin sentyabrında ARMN-in sərəncamı ilə təhsilini davam etdirmək üçün Türkiyə Respublikasının İzmir şəhərinə göndərilib.
• Maltəpə hərbi litseyini müvəffəqiyyətlə bitirdikdən sonra Ankara Ali Hərbi məktəbinə daxil olub və hərbi təlim kursları keçib.
• 2001-ci ilin may ayından 2002-ci ilin mart ayına qədər MN-in sərəncamı ilə Gədəbəydəki N saylı hərbi hissəsində tağım komandiri vəzifəsində qulluq edib.
• 2002-ci ilin mart ayında MN-in sərəncamı ilə H.Əliyev adına AHKM-ə göndərilib. Qulluq etdiyi müddətdə baş leytenant rütbəsinə qədər yüksəlib.
• 2004-cü ilin yanvar ayında MN-in sərəncamı ilə NATO proqramları çərçivəsində Macarıstan respublikasının Budapeşt şəhərində keçirilən 3 aylıq ingilis dili kurslarına ezam olunub.
• Vətənə dönməyə 20 dün qalmış isə - ferval ayının 19-da həmin tədbirdə iştirak edən erməni zabiti Qurqen Markaryanı qətlə yetirib. Elə Həmin tarixdə Budapeştin hüquq-mühavizə orqanları tərəfindən həbs olunub

Erməni vəhşilikləri

1988-ci ildən 1993-cü ilə qədər ermənilərin törətdikləri vəhşilikləri, tökdükləri qanı Ramil öz gözləri ilə görüb. Çünki həmin illər onun yeniyetməlik çağlarına təsadüf edir. O vaxtları atası Sahib bəy Cəbrayıl rayonunun mərkəzindəki xəstəxanada baş həkimin təsərrüfat işləri üzrə müavini, anası Nübar xanım cərrahiyyə şöbəsində işləyib. Ərazi ermənilər tərəfindən daim atəşə tutulduğundan Ramil gününün çox hissəsini valideynlərinin yanında keçirməli olub. Qolu-başı kəsikləri, gözləri çıxarılanları öz gözləriylə görüb. Elə vaxt olurmuş ki, hətta gün ərzində xəstəxanaya on beş-iyirmi meyit, iyirmi-otuz yaralı gətirilirmiş. Bunlar hamısı Ramilin beyninə, canına, qanına hopub və təbii ki, 15-16 yaşlı yeniyetmənin psixoloqiyasına təsir göstərib. Hətta bu gün belə aradan 15 il vaxt ötsə də, Ramilin elə qohumları var ki, onların nə ölüsündən, nə də dirisindən xəbər yoxdur.

"Xocalı bayramınız mübarək"

İlk gündən etibarən Markaryan tədbirdə iştirak edən azərbaycanlılarla maraqlanmağa başlamışdı. Məqsədi həmin zabitlərin ermənilər tərəfindən işğal olunmuş ərazilərdən olduğunu öyrənmək olub. Ramilin Cəbrayıldan olduğunu biləndə onu qıcıqlandırmağa başlayıb.

Hadisə fevralın 19-da Xocalı faciəsinin ildönümünə bir neçə gün qalmış baş verib. Belə ki, Markaryan Ramilin olduğu yerlərdə nümayişkəranə şəkildə deyirmiş ki, azərbaycanlılar bir neçə gündən sonra ən sevimli bayramları olan "Xocalı bayramını" qeyd edəcəklər. Hətta Ramilin özünü bu münasibətlə "təbrik" də edib. Bütün bunlar da təbii ki, bir azərbaycanlı oğlu kimi Ramilin heysiyyatına toxunub.

Nümunəvi zabit

Hələ H.Əliyev adına Ali Hərbi Komandirlər məktəbində zabit kimi çalışdığı zaman kursantlar arasında yazılı anket sorğusu keçirilibmiş. Anketdə belə bir sual da varmış: "Hərbi məktəbdə nümunəvilik baxımından hansı zabitə bənzəmək istərdiniz?" Sorğuda iştirak edən kursantların 90 %-i "Ramil Səfərov" yazıblar. Azərbaycan ordusunun bu cür nümunəvi, savadlı zabitinə isə illərini həsxanada keçirmək yaraşmır.

H.Əliyev adına AHKM-ın kollektivi Ramilin xüsusiyyəti, davranışı, bilik səviyyəsi ilə digərlərindən fərqli zabit olduğunu söyləyiblər.

Şəkillər